Utilizamos cookies de terceros para mejorar nuestros servicios. Si continúas navegando aceptas el uso de éstas.

   Saber máis - Aceptar.

© PRAZAS E MERCADOS. FEDERACIÓN DE PRAZAS DE ABASTOS DE GALICIA

QUEIXOS CAGIAO
Unha queixería con marca propia

Por algún motivo no se a completado la carga del separador, pincha el botón recargar para intentarlo de nuevo.

Recargar

‘Queixos Cagiao’ é a única queixería do Mercado de As Conchiñas que, ademais, vende a súa propia marca. A familia de Ana María Cagiao leva décadas traballando a súa granxa e fabricando os seus propios produtos. Queixo curado, semicurado, requeixón e queixo fresco, cos que están presentes en numerosas tendas de toda A Coruña. “O que se vende é fabricado hoxe”, explica. “Queremos que a frescura sexa o noso selo de identidade”. Se é algo xeralizado nos produtos da marca, máis aínda no que venden directamente a través da súa queixería do mercado. “Na cidade repartimos tres veces por semana, pero en As Conchiñas chega cada día”, comenta Ana María. Ademais, o cliente poderá atopar no expositor ovos, mel e marmelo.

Sen dúbida, o queixo fresco é seu produto estrela. ‘Queixos Cagiao’ leva frabricándoo máis de 25 anos e, segundo Ana María, “non hai outro igual”. Por iso, para que manteña a súa calidade e naturalidade, mímano de xeito especial. En As Conchiñas atópase fresco todos os días, tratado nas mellores condicións para garantir que non se rompe a cadea de frío.

Outra das vantaxes de mercar directamente no posto de ‘Queixos Cagiao’ é a atención totalmente persoalizada. “Se o cliente precisa algo que non vendemos habitualmente na praza, só ten que avisarnos”, explica Ana María. “Avisamos a fabricación e cumprimos co que precisa o consumidor”. Con este mimo é como queren diferenciarse do resto de negocios que poden ser semellantes ao seu. “Queixerías artesanais como a nosa, pode haber moitas”, asegura. “Por iso procuramos que a nosa atención sexa máis individualizada”. Ana María confesa que goza solucionando dúbidas, e non escatima en explicacións sobre a liña de fabricación ou o produto. “O segredo é, ante todo, nunca mentir”, defende.

 
ENDEREZO
Rúa Jose Salgado, Nº2, entr.
36650 Caldas de Reis (Pontevedra)
EMAIL
info@prazasemercados.gal
TLFN / FAX
+34 669 776 017
 
© PRAZAS E MERCADOS. Federacion de Prazas de Abastos de Galicia