MEXILLÓNS EN TEMPURA, MAIONESA DE SRIRACHA E CREMA SAN GERMAN

Propoñemos unha receita de Paco Caneda para 8 persoas cun dos nosos produtos estrela: o mexillón.

TEMPO DE REALIZACIÓN: 40 min. aprox.

COMENSAIS:  8 persoas

INGREDIENTES:

• Unha prancha de follado
• Flores e brotes para decorar

Para os mexillóns en tempura:

· Unha prancha de follado
· 1 Xema de ovo
· 80gr. de fariña de trigo
· 150ml de auga xeada
· Aceite de oliva para fritir

Para a crema San German:

· 1/2kg de chícharos frescos ou conxelados
· Sal e pementa
· Auga con xeo para refrescar

Para a maionesa de sriracha:

· 1/4l de maionesa
· Unhas pingas de limón
· Unhas pingas de sriracha
· Sal e pementa

ELABORACIÓN DA RECEITA:

1. Estiramos o follado e cortamos en rectángulos do tamaño desexado para formar unha especie de coca, enfornamos ata dourar e que nos quede rinchante.
   
   
2. Escaldamos os chícharos durante 1 minuto en auga fervendo, refrescamos e cortamos a cocción en auga con xeo, trituramos e engadimos unha pouco da auga da cocción, coamos ou pasamos por un chinés e salpimentamos.
   
   
3. Engadimos á maionesa unhas pingas de limón, sal e pementa e unhas pingas de sriracha, mesturamos ben e introducimos nun biberón.
   
   
4. Abrimos os mexillóns ao vapor, retiramos as viandas das cunchas, secamos ben.
   
   
5. Batemos unha xema de ovo e engadimos a auga xeada, seguido da fariña sen bater moito, enfariñamos os mexillóns e pasamos por esta pasta de fritir, douramos en aceite quente.
   
   
6. Servimos sobre o follado a crema San German, encima colocamos os mexillóns e encima destes uns puntos de maionesa de sriracha, decoramos coas flores e os brotes.

VÍDEO-RECEITA

_

COMPARTE!